منتديات الكنانه
مرحبا بك زائرنا الكريم هذه الرساله تفيد بانك غير مسجل ارجو التسجيل الاداره (((((((( منتديات الكنانه ))))))))


الحب والاخلاص والصداقه الجاده
 
الرئيسيةاليوميةمكتبة الصوربحـثالتسجيلدخول
شات ودردشة الكنانه *** ادخل ودردش مع دردشة الكنانه *** لقد انشانا هذا الشات لعيون اعضائنا وزوارنا الكرام ونتمني لكم امتع الاوقات مع *** شات ودردشة الكنانه
بحـث
 
 

نتائج البحث
 
Rechercher بحث متقدم
المواضيع الأخيرة
» تواصل افضل شركة لتطبيقات المحمول
السبت أبريل 13, 2013 7:25 pm من طرف محبى د رامى

» فواائد الفجل
الثلاثاء ديسمبر 13, 2011 5:12 pm من طرف مصريه

» المكتبة الالكترونية
الإثنين ديسمبر 12, 2011 8:54 pm من طرف فارس الكنانه

» زيارة المكتبة الاسلامية
الإثنين ديسمبر 12, 2011 8:47 pm من طرف فارس الكنانه

» قصص الانبياء والسيرة النبويه
الإثنين ديسمبر 12, 2011 8:38 pm من طرف فارس الكنانه

» القران كاملا بصوت 58 قارئ
الإثنين ديسمبر 12, 2011 8:27 pm من طرف فارس الكنانه

» اكواد المحافظات
الأحد ديسمبر 11, 2011 2:30 pm من طرف فارس الكنانه

» ارقام تليفونات هامه في مصر
الأحد ديسمبر 11, 2011 2:27 pm من طرف فارس الكنانه

» ايه رايكم في الموبيلات الصيني؟
السبت ديسمبر 03, 2011 8:55 am من طرف زائر

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني
pubarab
التبادل الاعلاني
احداث منتدى مجاني
pubarab
اتصل بنا fars_fars183@yahoo.com01065133529
منتديات الكنانه
المواضيع الأكثر نشاطاً
ذكريات
خبر عاجل
خش بسرعه قبل اي حد والعب واضحك لما تموت ؟ اسمع الكلام
لو اعترف الرجال
وداعا
طفولة فلسطينى
شاب يدفع ثمنا باهظا بسبب تعليقه علي زوجته
القرأن الكريم كاملا ومفسرا
ذكريات
مهندس مصري يبيع جسد زوجته

شاطر | 
 

 عايزه اتجوز $$$$$$

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hend

avatar

عدد الرسائل : 35
العمر : 24
نقاط : 94
السٌّمعَة : 1
تاريخ التسجيل : 17/01/2009

مُساهمةموضوع: عايزه اتجوز $$$$$$   الجمعة فبراير 06, 2009 4:32 pm

عايزة اتزوج


كلمة بنسمعها كتير اوي بيقولوها بنات مصر واي بنت مقبلة على الزواج في سن ال20 او مافوق او مابعد ال40 حتى بالنسبة للمطلقات او كده


طيب واحنا ملاحظين جدا ارتفاع نسبة العنوسة في الدول العربية قاطبة والاجنبية كمان


طيب هنحاول في الموضوع ده نستفيد من خبرات بعض وانا اول حاجة هقولكم على بعض الحلول المقترحة


1 ) ايوة ايوة ايوة اخويا النهارده جايب معاه واحد صاحبه في البيت اروح الحق اسشور شعري بئه واحط ميك اب والبس احلى حاجة عندي واقعد قال يعني انا كده في البيت بتاعي دايما >> خدعوك فقالوا


وبعدين استنى اول مااخويا يجي هو وصاحبه واروح اقعد في غرفة اخويا على اساس اعمل نفسي مش واخدة بالي وكنت قاعدة بعمل اي حاجة


وفعلا .. اطلع م البلكونة واحسب المدة وجري على غرفة اخويا اقعد فيها ويجي اخويا طبعا على نياته يقعد صاحبه في الغرفة ويقولي ايه ده انتي بتعملي ايه هنا !! اروح انا بئه عاملة نفسي الملاك البرئ الطاهر واقول ايه ده سوري والله كانتش واخدة بالي

I am relly sorry >> يادوب حافظة الكلمة بالعافية

وافضل ادعي ربنا بئه يارب اخويا يزعق لي يارب عشان اروح اجري على غرفتي واعيط بئه قال يعني الاحساس مقطع بعضه ..

ولو حصل اعمل مخططي الشرير واروح اطلع دموع التماسيح بئه الي ربنا خالقها لنا عشان المواقف الصعبة دي

واجري على غرفتي وماانساش وانا خارجة اخبط في صاحب اخويا خبطة خفيفة عشان ياخد باله امال انا بعمل ده كله ليه !!!!!! قطيعة

ولو ماحصلش واخويا كان لسه على نياته وماخدش بالي اطلع بئه واعمل الخجل مغطي كافة جسمي وامشي بشويش وراسي في الارض واستنى اول مااجي جنب صاحب اخويا واروح رافعة عيني بشويش بشويش كده على اساس ياخد باله .. تمام لحد هنا ..

وبعدين ده مالحقش يشوفني كويس لازم ادخل تاني ايوة ايوة افتكرت اطلع اقدم شاي بس الشاي ده موضة قديمة هيقول عليا بنت مش كوول ولا متحضرة ايوة ايوة عرفت انا هجيب عصير فواكه استوائية...واحط فوقيه لمونتين كده ويبقى شكله جميل


جري على عم محمد البقال هات اتنين عصير لمون قصدي فواكهة استوائية بسرعة .. اتفضلي ياهانم هاتي الفلوس .. فلوس فلوس مين دي اجري اجري


وطيران على بيتنا يانهار ايبض ايه تلال المواعين دي ماصح ماما كانت قايلة لي اغسلهم بعدين بئه

اغسل دلوقتي كبايتين كده على القد وصنية وطبقين وقشطة عليا


بعد ماخلصت

وبعدين اوديه كده بس لازم احط جنبه حاجة ايوة عرفت احط جنبه برده شبسي ولا حاجة تبقى حركة حلوة


جري على عم محمد البقال هات كام كيس شبسي حلوين كده

اتفضلي ياهانم .. الحساب بئه .. اجري اجري بعدين


طيران على فوق نسقت ربتب وعملت كل حاجة !

يلا ادخل اقدم


يالهوي شعري يلا بسرعة الحق اعيد عليه بالسشوار بسرعة



ادخل بئه انادي بصوت خفيف على اخويا ولا ماسمعش بركة ياجامع افتح انا الباب واقول العصير ياجماعة وارقق صوتي على قد ماقدر لحد ماياخدوا بالهم ولو لقيته التفت لي هو وصاحبه يبقى كده نجحت خطتي واروح احط العصير بشويش كده وابص له بشوية شوية واخليه ياخد باله مني >> طبعا دي مهارة لازم تدربي عليها الاول فبل ماتجربيها .


واحط العصير واقف شوية واقول :: اممم عايزين حاجة... لو لقيته بيبص لي كده وواخد باله نجحت خطتي


ولو برده لسه مش واخد باله لازم الجأ للخطة (( ب ))


وبعدين بئه لازم الاقي حاجة تانية اعملها .. ايوة عرفت انده للبت الي جنبنا الي بتحب اخويا وادبسهم في بعض كده وافضل اعمل اي حركة في البيت تشد الانتباه


تعالي اما اقولك شوية ياقمر .. اخويا عايزك ومافيش مانع لو نسقتي معاها ع الخطة دي م اليوم الي قبله عشان تساعدك فيها


وراح اخوكي الغلبان ادبس .. ايوووووة تمام كده


اشغل انا بئه الكومبيوتر واقعد ارقص في الغرفة الي جنبهم واعلي الصوت عشان يسمع وافضل ارقص بئه شوية كده واعدي قال يعني هجيب حاجة واخد بالي لو كان بيبص ولا لا ..لو مابيبصش .. يبقى ننتقل للخطة (((( جـ ))))


اجي اساله ممكن لو سمحت توريني كده السي دي ده بيشتغل ازاي اصلي مش عارفة اشغله



طبعا لازم تكون محتويات السي دي ::


صور قلوب واغاني بئه رومانسية وفيلم تايتنك وانا عارفة كده كويس



المهم لما يشغله اقوله: معلش اصلي مانمتش من امبارح كنت سهرانة برتب البيت وكده ممكن تقرا لي الي مكتوب .. بعد كده لو قرا كله وكان واخد باله منك كده تكون نجحت خطتك وهي دي الخطة الاجرأ على الاطلاق للفت الانتباه



ومش المهم لفت الانتباه المهماكتر التكرار والاستمرار


/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/**/*/*/




هههههههههههههههههههههههههههههههههههههههههههههههههه هههههههههه


ايه رأيكم خطة محكمة مش كده ومحاصر الواد ياعيني ياتبص يامتبصش بالعافية


بجد دي موقف واحد من المواقف القرعة الي البنات بيعملوها عشان يشدوا انتباه الشباب
للي بنظرهم زواج كده ! طبعا انا جمعت اكتر من حدث في موقف واحد


واوعوا تصدقوا الكلام الي في الاول ده ماهو الا هزار وشوفوا انا نفسي بقول ايه على بنت زي عملت كده بالك الولد



الي عايزة اوصل له ان مش صح كده الحركات دي انما الصح تحتشمي في بيتك وتخليكي بطبيعتك عشان الي هتزوجك مش عشان شكلك ولا طبعك المصتنع الي قدامه


وانما عشان اخلاقك الحقيقة و دينك وعقلك وفهمك .. جالك رزقك ع البركة ماجالكيش اصبري ماجالكيش حاولي نعدلي من سلوكك عامة مش مع ناس وناس


طبعا دي اول مشاركة لي في القسم ده واتمنى اشوف تعلقاتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عايزه اتجوز $$$$$$
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الكنانه :: منتديات الشباب والبنات :: بنات-
انتقل الى: